કોકીનો બ્લોગ.

* વટાણા અને મગફળી ફોલવાનો…

* ગઇકાલે કાર્તિક રીલાયન્સ ફ્રેશમાંથી નૂડલ્સ લાવ્યો અને આજે સાંજે બનાવ્યા. બનાવતી વખતે ખબર પડી કે આ તો મેગીની નકરી નકલ છે! પણ, કવિને તે ખાધા અને કેવી રીતે ખાધા તે તમે અહીં જોઇ શકો છો..

* કાર્તિકે પરમ દિવસે પહેલી વખત કવિનની છીછી સાફ કરી, અને તેને મજા પણ આવી. કવિનને મજા ન આવી તે જુદી વાત છે…

* કાર્તિકને ગેસ લાઇટરથી ગેસ ચાલુ કરતા નથી આવડતું!!

* અમદાવાદ આવીને લીલાં કેપ્સિકમ (ઘોલર મરચાં)નું શાક બનાવવાનું વધી ગયું છે. કાર્તિકે આજે સૂચન કર્યું કે કેપ્સિકમનું બીજું શું બનાવી શકાય તો અમે બન્નેએ મળીને કેપ્સિકમનો હલવો, છૂંદો, ચોકલેટ, થેપલાં, પરોઠાં, શરબત વગેરે બનાવી શકાય તેમ વિચાર્યું 😛

આ શું દરરોજ વળી કોબી, ભીંડા અને ફૂલાવર ખાવાનું…

* ઘણી મહેનત પછી અમુલનાં ફેટ વગરનાં દૂધમાંથી મલાઇ ભેગી કરી-કરીને ઘી બનાવ્યું. મુંબઇમાં તબેલાનું દૂધ સરસ મળે છે. અહીં પહેલાં છૂટક દૂધ બંધાવેલું, પણ તેના કરતાં તો પાણી વધુ સારુ હોવાથી છેવટે અમૂલ ચાલુ કરાવ્યું.

* સવારે દિવ્ય-ભાસ્કરમાંથી કૂપન કાપવાની પ્રવૃત્તિ સારી છે. પણ, આજે ચાર દિવસ પછી ભેગી કૂપનો કાપી.